Дизайнер студент Ажар Базарқұл «Ақбота» республикалық олимпиадасында жеңіске жетті
«Интерьер дизайны» мамандығының Д-2А тобының студенті Ажар Нұркенқызы Базарқұл мектеп оқушылары мен студенттерге арналған «Ақбота» I республикалық пән олимпиадасында көркем еңбек пәнінен I орын алды. Олимпиаданы «Білім» республикалық білім беру орталығы өткізді.
Жетекшісі — арнайы пәндер оқытушысы Меруерт Бекмағамбетова.
Ажардың туындыларының бірі — теңіз көрінісі. Автордың өз сөзімен айтқанда, суретте көк, ақ және көгілдір түстер үйлесімді қолданылған, қылқаламның әртүрлі іздері бұлттардың қозғалысын, теңіз толқындарының қуатын және табиғаттың тіршілігін айқын көрсетеді. Бұл туынды адамға тыныштық, еркіндік пен шабыт сыйлайды.
Ажарды және оның жетекшісін құттықтаймыз!
