Колледж студенттерінің шәкіртақысы екі есе өсіп, 43 мың теңгеге жетті
Оқу-ағарту министрі Жұлдыз Сүлейменова 8 қыркүйекте Үкімет отырысында техникалық және кәсіптік білім беру жүйесінің соңғы үш жылдағы нәтижелерін айтты: шәкіртақы екі есе өсті, жатақхана қажет студенттердің басым көпшілігі орынмен қамтылды.
Қазір елдегі 763 колледжде 556 мыңнан астам студент оқиды. Үш жылда жұмысшы біліктіліктері бойынша мемлекеттік тапсырыс 3,7%-ға өсіп, 131,4 мың орынға жетті, ал колледждерге қабылдау 5,8%-ға, яғни 57,8 мың студентке артты.
Колледж студентінің шәкіртақысы енді 43 мың теңге — бұрынғыдан екі есе көп. Жатақханамен қамтамасыз ету 10 пайыздық тармаққа артып, 95,4%-ға жетті. Жұмысшы мамандықтары бойынша түлектерді жұмысқа орналастыру 68%-ға көтерілді.
Біздің колледжде грант пен шәкіртақыны қалай алуға болатыны «Жеңілдіктер мен гранттар» бөлімінде жазылған.
Zakon.kz материалдары бойынша: zakon.kz
